Ang Pinagsama ng Dios...

gusto ko, at saka isang araw ay magsisisi ako sa sarili kong kagustuhan at tatanggap ng biyaya ng Dios ay lubhang mali at hindi kumikilala o nakakaalam ng likas na biyaya ng Dios.

    Hindi tao ang nagpapasiya sa kaligtasan. Ang Dios na Makapangyarihan mismo lamang ang nagpapasiya kung sino ang maliligtas. Dumarating Siya sa atin at naguutos na manampalataya kay Cristo bilang Tagapagligtas, at nagbababala Siya, “Paanong makatatanan tayo kung ating pabayaan ang ganitong dakilang kaligtasan (Mga Hebreo 2:3)?  Nagtatagubilin Siya, “Kaya nga mga kapatid, lalong pagsikapan ninyo na mangapanatag kayo sa pagkatawag at pagkahirang sa inyo” (II Pedro 1:10) Sinasabi Niya sa atin sa Mga Awit 51:17, “Ang mga hain sa Dios ay bagbag na loob; Isang bagbag at may pagsisising puso, Oh Dios ay hindi mo wawaling kabuluhan.” Nagbababala Siya na Kaniyang sinasalangsang ang mga palalo, datapuwa’t nagbibigay ng biyaya sa mga mapagpakumbaba (I Pedro 5:5).

    Sa harap ng mga ganiyang babala at tagubilin, paano kaya susuwayin ng isang tao na sadyang naghihimagsik laban sa Dios sa isang bagay na kasing halaga ng pagdidiborsiyo at pagaasawang muli pagkatapos ng diborsiyo? Hindi ito mga kasalanan na basta na lamang napasukan o hindi sinasadya ay napasukan ng isang tao. Ito ay mga pagkakasala na nangangailangan ng pagpaplano at patuloy na paggawa sa mahabang panahon. Kung ang puso ng isang tao ngayon ay naghihimagsik at matigas na gumagawa ng ganitong kasalanan, maaaring ang taong iyan ay hindi ligtas.  Bilang karagdagan, ito ay isa sa mga katibayan na hindi siya inilalapit ng Dios tungo sa kaligtasan. Kung pinapayagan siya ng Dios na magpatuloy sa gayong paghihimagsik ngayon, ano ang katiyakan niya na siya ay pakikitunguhan ng Dios ng mabuti, palalambutin ang kaniyang puso at ilalapit siya sa kaligtasan.

    Hindi tayo dapat magbakasakali sa mga kahabagan ng Dios. Ngayon ang araw ng kaligtasan. Walang sinomang taong may katiyakan o pangako na siya ay buhay pa bukas. Paano niya malalaman na bukas ay makikipagkasundo siya sa Dios?

    Ang makipagdiborsiyo o magasawa muli pagkatapos ng pagdiborsyo, yamang nalalaman nating ito ay labag sa kalooban ng Dios, ay ang pinakamalaki at mapanganib na bagay na magagawa ninoman. Ang tanging paraan upang mamuhay ay ayon sa utos ng Dios. Ang pinakamagandang oras na mamuhay na ayon sa batas ng Dios ay ngayon. Sana ay bigyan nga ng karunungan ang Dios ang mga taong naglalaro sa pagkakasala ngayon at magsisisi pagkaraan.

PAANO NANGYARI ITO?

    Ang problema ng mga hindi maka Biblia na pagaasawa at pagdidiborsiyo ay napakalubha at nakakawasak na nagtataka tayo kung paano ang iglesia ay napalayo sa katotohanan. Limampung taon na ang nakakaraan, doon lamang