Ang Pinagsama ng Dios...

    Kaya nagpapaalaala ang I Pedro 3:1 sa babae na abutin ang puso ng kaniyang asawa sa pamamagitan ng matahimik na pagpapasakop. Bayaang sundin niya ang mga alituntunin ng Dios na hindi siya nangangaral sa kaniyang asawang lalake. Dahil sa malalim na paguugnayan sa pagitan ng magasawang lalake at babae, ang ginagawa ng babae ay higit na malakas magsalita kay sa kaniyang mga salita.

    Gaya rin nito ang paalaala na mailalapat sa isang ligtas na lalake na may asawang hindi ligtas. Kung ang kaloob-loobang pamumuhay ng lalaking ligtas ay hindi maliwanag na nagpapakita ng halimuyak ni Cristo, ang tingin sa kaniya ng kaniyang asawang babae ay isa siyang  paimbabaw. Sa pagniniig ng magasawa, ang matandang kasabihan na “ang mga gawa ay higit na malakas magsalita kay sa mga salita” ay maliwanag na maisasalapat.

ANG DIOS ANG NAGBIBIGAY  NG ALITUNTUNIN

    Ang babaing mananampalataya ay mataimtim na naghahanap na magawa ang mga prinsipiyo na nasasaad sa Mga Taga Filipos 4:8:

Katapustapusan mga kapatid, anomang bagay na katotohanan, anomang bagay ang kagalanggalang, anomang bagay na matuwid, anomang bagay na malinis, anomang bagay na kaibigibig, anomang bagay na mabuting ulat; kung may anomang kagalingan, at kung may anomang kapurihan, ay isipin ninyo ang mga bagay na ito.

    Humihingi ang babae ng kapatawaran sa Dios kung siya ay nagiisip na magalit sa kaniyang asawa. Kung magkasala ang kaniyang asawa laban sa kaniya, gaano man ito kadalas, ang babae ay masayang nagpapatawad sa kaniya. Anoman ang pakitungo ng kaniyang asawa sa kaniya, pinipilit niyang ipinapakita na siya ay nagagalak na nakapagasawa sa kaniya. Nagagawa niya ito ng buong katapatan dahil nalalaman niya na pinaging isang laman sila ng Dios. Nakikita ng babae na simula noong sila ay magasawa, ang kaniyang buhay ay mananatiling kasama ng kaniyang asawa hanggang sila ay kapwa kunin ng Dios sa kamatayan.

    Ang magagawa ng ganitong uri ng maka Dios na pamumuhay sa isang lalaking hindi mananampalataya ay malaki. Kahit na hindi siya ligtas, alam niya na nagkakamali siya kung kaniyang pinagmamalupitan ang kaniyang asawa. At nakikita ng lalake ang patuloy na pagtatapat sa kaniya ng asawa, ang kaniyang matahimik na pagpapasakop, ang kaniyang patuloy na pagpapatawad, ay unti-unti niyang malalaman na ang asawa niya ay napakabait at natatangi. Sa tulong ng biyaya ng Dios, maaaring gamitin ito ng Dios upang buksan ang kaniyang mga matang espirituwal. Ito ang pinakalaman ng I Pedro 3:1.

    Ang mapagpasensiya at nagpapasakop niyang paguugali sa kaniyang