Ang Pinagsama ng Dios...

gawain ay ayon sa kalooban ng Dios.

WALANG ANOMANG ISANG SALITA

    Sinasabi ng Dios, “Hindi!” Kung ang kaniyang asawa ay maliligtas, siya ay makukuha kahit walang isang Salita. Bakit kaya itinuturo ng Dios ang isang programa na waring hindi mangyayari? Mayroon bang isang paraan ang Dios na doon ay inililigtas Niya ang karaniwang hindi mananampalataya at isang programa naman na doon ay inililigtas Niya ang mga asawang lalake?  Hindi maaaring tama iyan.  Kung gayon bakit may ganitong pambihirang paalaala na ang babae ay dapat manahimik?

    Magsisimula nating maunawaan kung ating makikita ang tanging kalagayan na namamayani sa ugnayan ng magasawang lalake at babae. Pagka dinadala natin ang Evangelio sa iba, karaniwan ay kakaunti ang nalalaman nila tungkol sa ating pangsariling pamumuhay.  Kaya, ang karaniwang nakikita ng isang hindi mananampalataya ay ang Evangelio mismo.

    Kung sabihin ng isang mangangaral mula sa pulpito, “Gayon ang sabi ng Panginoon,” bagama’t alam ng lahat na siya ay nabubuhay sa kasalanan, kakaunti ang magagawa ng kaniyang pangangaral.  Ang mga taong nakakarinig sa kaniya ay magiisip na siya ay isang ipokrito o paimbabaw lamang. Sa ganoong pangyayari, ang mga matatanda sa simbahan ang dapat umayos sa pastor, at maaaring maghanap ng paraan na aalisin siya mula sa kaniyang gawain bilang pastor, kung kailangan.

    Gayon din, kung alam natin na ang isang tao na parang masipag na saksi ng Evangelio, subali’t hindi niya pinamumuhay ang Evangelio, hindi natin siya pakikinggan. Siya rin ay magiging isang paimbabaw.

    Ang isang taong hindi ligtas ay maaaring makaalam ng buhay ng isang taong nagpapatotoo sa kaniya, nguni’t hindi lahat ng bagay.

    Nguni’t ang isang lalake ay nakakaalam ng higit sa kanino mang tao tungkol sa isip at gawa ng kaniyang asawa. Namuhay siya at patuloy na namumuhay pa na kasama niya, sa isang malalim na ugnayan. Siya ay kasama niya kung matutulog sa buong gabi. Siya ay kasama niya sa umaga bago siya uminom ng kape. Siya ay kasama niya kung siya ay nenenerbyos, napapagod, nabibigatan o nagagalit.

    Dahil sa pagniniig na malalim sa pagaasawa, alam niya ang paraan kung paano siya lumakad,  ang paraan ng pagbati sa kaniya pagka siya umuuwi, ang paraan ng paghahain ng pagkain sa mesa, at hindi mabilang na mga paguugali, kung siya man ay nagiisip ng may pagibig o pagkagalit  sa kaniya. Kaya nga, bagama’t sabihin niyang isa siyang mabuting Cristiano, at sabihing maganda ang pakikisama sa ibang Cristiano at nagpipilit na ang kaniyang asawa ay magsisi sa kaniyang mga kasalanan at magtiwala kay Cristo bilang Tagapagligtas, nguni’t alam ng lalake na malimit na ang asawa ay hindi nabubuhay na ayon sa