Ang Pinagsama ng Dios...

ang sinoman ng mga kalumbayan, na magbata ng di matuwid. Sapagka’t anong kapurihan nga, kung kayo’y nangagkakasala, at kayo’y tinatampal ay inyong tanggapin na may pagtiis? Nguni’t kung kayo’y gumagawa ng mabuti, at kayo’y nagbabata, ay inyong tanggapin na may pagtitiis, ito’y kalugodlugod sa Dios. Sapagka’t sa ganitong bagay kayo’y tinawag: sapagka’t si Cristo man ay nagbata dahil sa inyo na kayo’y iniwanan ng halimbawa upang kayo’y mangagsisunod sa mga hakbang niya. Na siya’y hindi nagkasala, o kinasumpungan man ng daya ang kaniyang bibig. Na, nang siya’y alipustain, ay hindi gumanti ng pagalipusta; nang siya’y magbata ay hindi nagbala; kundi ipinagkatiwala ang kaniyang sarili doon sa humahatol ng matuwid.  Na siya rin ang nagdala ng ating mga kasalanan sa kaniyang katawan sa ibabaw ng kahoy, upang pagkamatay natin sa mga kasalanan  ay mangabuhay tayo sa katuwiran; na dahil sa kaniyang mga sugat ay nangagsigaling kayo.

    Sa mga bersikulong  ito ay sinasabi ng Dios na ating gawain at tiisin ng buong pasensiya ang mga kawalan ng katarungan, mga paglibak, mga pangaabuso ng mga taong namumuno sa atin. Hindi tayo dapat manglibak upang gumanti. Dapat nating malaman na tinawag tayo ng Dios upang lumakad sa mga hakbang ng ating Panginoon.  Dapat nating tingnan Siya na ating halimbawa, at ang mga pangaabuso sa kaniya ay kasama ang Kaniyang kamatayan sa krus.

    Sa pasimulang mga bersikulo sa I Pedro 3 isinama ng Dios ang paalaala sa I Pedro 2 sa babae na nakapagasawa ng isang lalaking hindi ligtas. Pinaalaala ng Biblia sa I Pedro 3:1-5:

Gayon din naman kayong mga asawang babae, pasakop kayo sa inyong sarisariling asawa; upang kung ang ilan ay hindi tumalima sa salita, ay mangahikayat ng walang salita sa pamamagitan ng ugali ng kanikaniyang asawang babae. Sa pagkamasid nila ng inyong mga ugaling mahinhin na may takot. Na huwag sa labas ang kanilang paggayak na gaya ng pagpapahiyas ng buhok, at pagsusuot ng mga hiyas na ginto, o pagbibihis ng maringal na damit. Kundi ang pagkataong natatago sa puso na may damit na walang kasiraan ng espiritung maamo at payapa, na may malaking halaga sa paningin ng Dios. Sapagka’t nang unang panahon, ay ganito naman nagsigayak ang mga babaing banal na nagsiasa sa Dios, na nagpasakop sa kanikaniyang asawa.

    Ang mahalagang salitang “Gayon din naman” sa bersikulong 1 ay siyang nagsama ng mga bersikulo ng Kabanatang 3 sa tagubilin na ibinigay sa Kabanatang 2.  Buong lakas na ipinaalaala ng Dios ang: “Kung paano ang isang alipin ng isang malupit na panginoon ay nagtitiis ng pangaabuso, gayon