Ang Pinagsama ng Dios...

    Iniuutos ng Biblia sa Mga Taga Efeso 5:25, “Mga lalake, ibigin ninyo ang inyo-inyong asawa.” Ang utos bang ito ay mailalapat kung ang babae ay hindi nagmamahal sa kaniyang asawa? Mailalapat ba ito kung sinasabi ng babae na namumuhi siya sa kaniyang asawa, kung siya ay durugista, o manglalasing, o nabubuhay sa pakikiapid? Nais pa rin ba ng Dios na ibigin ng lalake ang ganitong uri ng babae?

    Ang utos ng Dios sa mga lalake na ibigin ang kani-kanilang asawa ay walang pasubali o kondisyon. Hindi siya dapat magkaroon ng kondisyon kung ang pag-ibig niya sa kaniyang asawa ang pinaguusapan. Ano man ang mangyari sa kaniya o maging ano pa man siya, dapat niyang ibigin siya.

    Paano natin ito nalalaman? Nalalaman natin ito dahil hindi nagbibigay ng payo ang Biblia tungkol sa iba’t ibang kondisyon upang mapatigil ang ganitong pagibig. Maging doon sa mga bersikulo na parang nagmumungkahi ng diborsiyo, wala roong anomang pahiwatig na ang pagibig ay natatapos. Sa totoo, itinuturo ng Dios na ang pagpapatawad ay isang bagay na dapat gawin ng isang Cristiano. Mateo 18: 21-22:

Nang magkagayo’y lumapit si Pedro, at sinabi sa kaniya, Panginoon, makailang magkakasala ang aking kapatid laban sa akin na siya’y aking patatawarin? Hanggang sa makapito? Sinabi sa kaniya ni Jesus, Hindi ko sinasabi sa iyo, Hanggang sa makapito; kundi, Hanggang sa makapitongpung  pito.

    Dahil walang katapusan ang pagpapatawad sa mga taong nagkakasala laban sa atin, tiyak ngang ang prinsipiyo ng pagpapatawad ay dapat ilapat sa kaugnayan ng magasawa. Kaya nga, ano man ang sabihin o gawin ng babae na nakakasakit sa kaniyang asawang lalake, dapat niya siyang patawarin. Ang prinsipiyong “Mga lalake, ibigin ninyo ang inyong mga sariling asawa,” ay kailangang pa ring sundin.

GAYA NG PAGIBIG NI CRISTO SA SIMBAHAN

    Mayroong malakas at buhay na dahilan kung bakit dapat ibigin ng lalake ang kaniyang asawa na walang anomang kondisyon. Sinasabi sa atin sa Mga Taga Efeso 5:25: “Mga lalake, ibigin ninyo ang inyo-inyong asawa, gaya naman ni Cristo na umibig sa iglesia, at ibinigay ang kaniyang sarili dahil sa kaniya.” Binigyan tayo ng Dios ng isang halimbawa ng uri ng pagibig na dapat taglayin