Ang Pinagsama ng Dios...

    Pagka ang dalawang tao ay pinag-isa sa pagaasawa at nalubos ang kanilang kaugnayan sa higaan ng pagaasawa, ito ay pag-iisa na gawa ng Dios. Ito ay kahangahangang katotohanan. Mahirap na makaranas tayo ng ibang gawaing pisikal na doon ay ating masasabi, “Ito ay gawain ng Dios.”

    Kahit ang pagaasawang nagawa ay bilang isang paghihimagsik sa Dios ay isa pa ring pagaasawa na ginawa ng Dios upang maging pag-iisang hindi maaaring sirain. Hindi nangangahulugan na ang Dios ang may kasalanan, sapagka’t hindi maaaring magkasala ang Dios. Kundi, sa pagsasakatuparan ng Kaniyang mga makalangit na layunin, ginagamit ng Dios ang mga makasalanang pagnanasa ng tao.

    Halimbawa, binayaan ng Dios ang mga kapatid ni Jose na gumawa ng napakasamang krimen nang ipagbili nila si Jose upang maging alipin upang sa ganoon pagdaan ng panahon, si Jose ang Punong Ministro ng Egipto, ay makakapagligtas sa kanila mula sa kagutuman. Gayon din, maaaring gamitin nga ng Dios ang isang makasalanang pagaasawa para sa Kaniyang sariling layunin.  Sinasabi sa atin ng Dios na sa oras na maganap ang pagaasawa, mayroong pag-iisa na nalilikha na nagawa sa pamamagitan ng gawa ng Dios.

    Sa ganoong dahilan, sinasabi ng Dios, na ang babae ay nakatali sa kaniyang asawa (Mga Taga Roma 7:2, I Mga Taga Corinto 7:39). Kung ang babae ay nakatali sa asawang lalake, kung ganoon maliwanag na totoo ring ang lalake ay nakatali sa asawang babae. Sa unahan ng ating pagaaral, ating nakita ang salitang “nakatali,” na ginagamit ng Dios sa mga bersikulong ito, ay nangangahulugan ng “nakatali sa” o “nakatanikala na magkasama ng.” Tandaan natin na ipinahayag ng Dios na Siya lamang ang maaaring makasira ng pag-iisa ng pagaasawa. Nagagawa Niya ito sa pamamagitan ng kamatayan ng isang asawa.

ANG PAG-IISA NG PAGAASAWA AY HINDI MAAARING SIRAIN NG TAO

    Ang mga tagapayo na nagsasabi sa nagaaway na magasawa na gumawa ng pagsubok na paghihiwalay ay lumalabag sa Salita ng Dios.  Ang pagdidiborsiyo o paghihiwalay, na talagang talamak sa ating kapanahunan, ay isang napakasamang paglabag sa utos ng Dios tungkol sa pagaasawa. Sa halip na paghiwalayin, ang Biblia ay nagsasabi na ang katawan ng magasawa ay pagaari ng isa’t isa (I Mga Taga Corinto 7:3-5). Kahit ano pang sama ang pinagdadaanan ng pagaasawa, dapat sundin pa rin ang prinsipiyong ito. Magingat tayo kung ating ilalagay sa ating kamay ang mga bagay na ito.

    Binibigyang-diin ng Dios ang kabanalan ng pagiisa ng pagaasawa sa Marcos 10:11-12:

At sinabi niya sa kanila, Ang sinomang lalake na ihiwalay ang kaniyang asawa, at magasawa sa iba, ay nagkakasala ng pangangalunya laban sa