Ang Pinagsama ng Dios...

    Sa kabanatang ito ay ating titingnan  ang pagaasawa mismo. Ito ba ay samahan lamang ng dalawang tao na  nakatayo sa iisang lugar? Ito ba ay isang kontrata na kagaya ng ibang kontrata na ating nalalaman?

    Ating napasimulang malaman na ang pagaasawa ay hindi isang kontrata; hindi rin ito isang samahan. Ito ay pagiisa isang pagiisa na nagbubunga nito na gaya noon, na ang dalawang tao ay pinagisa sa isang pagkatao. Ginamit ng Biblia ang salitang: “Kaya nga hindi na sila dalawa; kundi isang laman.” (Mateo 19:6). Ang lalim at katotohanan ng pagiisang ito ay inilalarawan sa I Mga Taga Corinto 7:3-5:

Ibigay ng lalake sa asawa ang sa kaniya’y nararapat: at gayon din naman ang babae sa asawa. Ang babae ay walang kapangyarihan sa kaniyang sariling katawan, kundi ang asawa: gayon din naman ang lalake ay walang kapangyarihan sa kaniyang sariling katawan, kundi ang asawa. Huwag magpigil ang isa’t isa, maliban kung pagkasunduan sa ilang panahon, upang kayo’y mamalagi sa pananalangin, at muling kayo’y magsama, baka kayo’y tuksuhin ni Satanas dahil sa inyong kawalan ng pagpipigil.

    Sa pananalitang ito itinatag ng Dios ang prinsipiyo na ang dalawang magasawa ay dapat magkaroon ng buhay ng pinakamalalim na pag-iisa. Ang kanilang katawan ay pagaari ng bawat isa. Maliban lamang para sa isang maikling gawaing espirituwal, hindi nila dapat ipagkait ang kanilang katawan sa isa’t isa. Walang pagsasama sa sanglibutan na kagaya nito. Dapat silang mamuhay bilang isang katawan sapagka’t   itinalaga sila ng Dios na maging isang laman.

    Binibigyang-diin ng Dios na ang pag-iisang ito ay hindi ginawa ng tao kundi ng Dios (Marcos 10:9). Ito ba ay tumutukoy lamang sa pagaasawang Cristiano? Kung iyan ay totoo, ibig sabihin ng gayon, ang lahat na pagaasawahan na hindi Cristiano ay hindi tunay na pagaasawahan; sila ay mga babae at lalake lamang na nagsasama sa pakikiapid na samahan.

    Tinutukoy ng Dios ang lahat ng pagaasawa ng sangkatauhan. Alam natin na nasa paningin ng Dios ang lahat ng pagaasawahan sa buong kasaysayan ng mundo sapagka’t ibinabalik tayo sa Marcos 10:6-8 sa ating unang mga magulang na nilikha na naging magasawa. Marcos 10:6-8:

Nguni’t buhat nang pasimula ng paglalang, Lalake at babaing ginawa niya sila. Dahil dito’y iiwan ng lalake ang kaniyang ama at ina, at makikisama sa kaniyang asawa; At ang dalawa ay magiging isang laman; kaya hindi na sila dalawa, kundi isang laman.