Ang Pinagsama ng Dios...

    Hindi nagtuturo ang Biblia kahit saan na ang “douloo” ay kagaya ng kaugnayan ng magasawang lalake at babae.  Paano natin uunawain ang pagkakagamit nito sa I Mga Taga Corinto 7:15? Makikita natin ang sagot kung ating uunawaing wasto ang problema na sinasagot ng bersikulong ito.

    Tingnan natin ang isang pangyayari na malimit nating makita sa ating panahon. Alam ng isang Cristianong asawang babae na walang paghihiwalay sa anomang kadahilanan, nguni’t ang hindi ligtas na asawang lalake ay nagpipilit na makipaghiwalay. Ayaw niyang sundin ang salita ng Dios dahil hindi siya ligtas. Ang Salita ng Dios ay alin man sa walang halaga ito sa kaniya o kakaunti ang halaga nito sa kaniya.

    Ano ang dapat gawin ng asawang babae? Dapat ba niyang walang tigil na labanan at buong tapang na hadlangan ang kaniyang asawa upang maiwasan ang paghihiwalay? May kasagutan ang Dios sa pangyayaring ito. Siya ay tinawag sa kapayapaan. Hindi siya dapat lumaban. Sa kaniyang  pagkakatali  kay Cristo, na  masidhing nagnanasa na makasunod  sa kalooban ng Dios, hindi niya dapat  hadlangan  ang paghihiwalay. Hindi siya nakatali sa nakasulat na utos ni Cristo na dapat siyang makipaglaban.

    Kung ang lalake ay humiwalay sa kaniya, hindi siya maaaring magasawang muli habang ang lalake ay nabubuhay pa (Mga Taga Roma 7:2-3). Sa halip na magasawa, dapat siyang manatiling walang asawa o piliting makipagkasundo sa kaniyang asawa gaya ng sinasabi ng I Mga Taga Corinto 7:11:

   Datapuwa’t kung siya’y humiwalay, ay manatiling walang asawa o kaya’y makipagkasundo sa kaniyang asawa; at huwag hiwalayan ng lalake ang kaniyang asawa.

    Hindi nilalayon  ng I Mga Taga Corinto 7:15 na tumulong o magbigay ng  ginhawa doon sa mga taong nais makipaghiwalay. Kung maingat nating uunawain sa liwanag ng ibang sinasabi ng Biblia na pagtuturo tungkol sa pagaasawa, makikita natin ang bersikulong ito na may magkasundo at lubos na nagkakatugma sa prinsipyong nagsasabi na walang paghihiwalay sa anomang kadahilanan.

IKAW  BA’Y KALAG SA ASAWA?

    Ang isa pang sipi na kung minsan ay ginagamit upang maging ipaliwanag na ipinapahintulot daw ang paghihiwalay ay ang I Mga Taga Corinto 7:27-28:

Nakatali  ka ba sa asawa? Huwag mong pagsikapang ikaw ay makakalag, Ikaw baga’y kalag sa asawa? Huwag kang humanap ng asawa? Nguni’t kung ikaw ay magasawa, ay hindi nagkakasala; at kung ang isang dalaga ay magasawa, ay hindi siya nagkakasala. Datapuwa’t ang gayon ay