Ang Pinagsama ng Dios...

    Atin ngayong susuriin ang isang bersikulo na kung minsan ay ginagamit bilang isang batayang Biblikal para sa muling pagaasawa pagkatapos ng paghihiwalay o pagdidiborsyo. I Mga Taga Corinto 7:15:

Gayon man’y kung humiwalay ang hindi sumasampalataya, ay bayaan  siyang humiwalay: ang kapatid na lalake o kapatid na babae ay hindi natatali sa mga ganitong bagay: kundi sa kapayapaan kayo tinawag ng Dios.

    Itinuturo ba ng I Mga Taga Corinto 7:15 na kung nagpipilit humiwalay ang isang asawang hindi mananampalataya, ang mananampalatayang asawa ay hindi na nakatali sa kaniyang pagaasawa, at kaya siya ay malayang makapagaasawang muli?

    Ating nalalaman mula sa ating nagdaang mga pagaaral ang konklusiyon na ang isang taong hiniwalayan ay maaaring muling magasawa ay mali. Ang susing salita na dapat nating maunawaan ay ang salitang nangangahulugan ng “nakatali.” Ito ang salitang Griegong “douloo” na nangangahulugan ng “maging alipin” Ito ay mula sa salitang Griegong “doulos” na isinasaling “alipin,” “aliping takatanikala”, o  “katulong” sa Biblia. Ito ay malimit gamitin upang tukuyin ang kaugnayan ng isang tao kay Cristo. Si Pablo ay isang alipin (doulos) ni Cristo (Mga Taga Roma 1:1) Tayo ang mga alipin ni Cristo (Mga Taga Colosas 4:12; II Timoteo 2:24) Sa kabilang dako, maaari tayong maging alipin ng kasalanan (II Pedro 2:19).

    Ang salitang “doulos” o “douloo” ay hindi kailan man ginamit sa pagtukoy sa ugnayan sa  pagitan ng magasawang lalake at babae. Kung ang Biblia ang paguusapan, ang lalake ay hindi kailan man alipin ng babae o ang babae ay hindi kailan man alipin ng lalake.

    Sinasabi ng Dios sa I Mga Taga Corinto 7:27, “Nakatali ka ba sa asawa? Subali’t ang salitang “nakatali” ay talagang naiibang salita kay sa “doulos” o “douloo.” Ito ang salitang Griegong “deo.” Ito ay salita na nagbibigay ng kahulugan ng dalawang bagay na magkasama o tinaliang magkasama. Ang isang bilanggo ay nakatali o nakatanikala (Marcos 6:17) Ang asno na maliit na hayop na parang kabayo ay nakatali (Marcos 11:2) Ang magasawang lalake at babae ay nakatali sa isa’t isa (I Mga Taga Corinto 7:27, 39; Mga Taga Roma 7:2) nguni’t ang kaisipan ng isang katulong o alipin ay hindi makikita sa salitang “deo.”