Ang Pinagsama ng Dios...

    Nais nating tingnan ng maingat ang isang bersikulo na madalas gamitin sa maling paraan sa pagnanais ng mga tao na makakakuha ng batayan mula sa Biblia para sa paghihiwalay. Ang Mateo 19:9 na kaagad ay kaugnay ng Deuteronomio 24:1-4 ay parang nagpapakita ng pagpayag sa paghihiwalay dahilan sa pakikiapid. Mateo19:9:

At sinasabi ko sa inyo, Sinomang ihiwalay ang kaniyang asawang babae, liban na kung sa pakikiapid at magasawa sa iba, ay nagkakasala ng pangangalunya: at ang magasawa sa babaing yaon na hiniwalayan ay nagkakasala ng pangangalunya.

    Maraming mga teologo ang bumabasa ng bersikulong ito at kaagad nagsasabing ito ay nagtuturo na walang paghihiwalay maliban sa kaso ng pangangalunya. Atin nang nakita sa ating pagaaral na walang anomang dahilan ng paghihiwalay. Kaya natitiyak natin na ang bersikulong ito, Mateo 19:9 ay hindi nagpapahintulot ng paghihiwalay dahilan sa pakikiapid o sa anomang kadahilanan. Kung paniniwalaan natin kung ganoon ay, magkakaroon tayo ng malaking pagsasalungatan.

    Ang Biblia ay nagkakaisa. Kahit na parang may mga salita ito na parang magkakasalungat, alam nating hindi talaga sila tunay na magkakontra. Parang sa tingin ay magkasalungat sila sapagka’t ang ating pangunawa ng ilang kahinahinalang mga sipi ay hindi sapat.

    Ating ipalagay na sumandali na ating dapat ibatay ang ating buong pangunawa ng paghihiwalay at pagaasawang muli sa isang bersikulong ito. Mateo 19:9, ano ang ating malalaman?

    Parang nagtuturo ang Mateo 19:9 na ang isang lalake ay maaaring makipaghiwalay sa kaniyang asawa dahilan sa pangangalunya. Subali’t pansinin ninyo: Walang sinasabi na maaaring makipaghiwalay ang babae sa kaniyang asawa dahilan sa pakikiapid. Wala kahit na kakaunting pahiwatig o pagsasabi na ang babae ay maaaring makipaghiwalay sa lalake. Sa totoo, walang sinasabi sa buong Biblia na anomang salita na nagtuturo na ang babae ay maaaring makipaghiwalay sa kaniyang asawang lalake. Gayon din hindi nagbibigay ng magandang paliwanag sa lalake na makipaghiwalay sa kaniyang asawa sa anomang kadahilanan liban sa pakikiapid.

    Bilang karagdagan, sinasabi sa atin ng Mateo 19:8 na pinapayagan ni Moises ang lalake na makipaghiwalay sa kaniyang asawa dahilan sa pakikiapid dahil sa katigasan ng puso ng lalake: