Ang Pinagsama ng Dios...

paghihiwalay. Hindi lamang ang lalake na nais makipaghiwalay ay nagkakasala, kundi pinapagkakasala din niya ang kaniyang asawa, kahit na ayaw niya ng paghihiwalay.

    Ito ay madaling maunawaan pagka ating tandaan na ang mga nagasawa ay pinag-isang laman ng Dios, isang pagsasamang makalangit na hindi maaaring paghiwalayin ng tao. Kaya nga, kung paghiwalayin ng tao ang pinagsama ng Dios, ang pagsasama ay nagiging mapakiapid.

    Nguni’t kung makiapid ang babaing asawa bago ang paghihiwalay ay nangyari, siya ang dahilan ng pakikiapid. Ayon sa Deuteronomio 24:1, ang lalake ay mayroong karapatang makipaghiwalay sa asawang babae sa ganitong pangyayari. Dahil nakiapid ang babae bago ang paghihiwalay ay nangyari, ang paghihiwalay ng asawang lalake sa kanya ay hindi dahilan ng pakikiapid ng babae.

    Si Jesus ay hindi nagbibigay ng pansin sa Deuteronomio 24:1 upang ipakita na ang kautusan na ito ay dapat magpatuloy sa habang panahon. Ipinakikita lamang Niya na habang may bisa ang Deuteronomio 24:1, dapat malaman muna ng lalake na ang babae ay nakiapid nga at kung hiwalayan siya ng dahil sa ibang mga kadahilanan ay isang paglabag sa utos na ito.

    Sapagka’t ang utos na ito ay pinawalang-bisa na (gaya ng ating makikita pagka pinagaralan natin ang Marcos 10 at Mateo 19), hindi talaga itinuturo ni Jesus na ang pakikiapid ay dahilan ng paghihiwalay. Kaya, hindi sinasabi ng bersikulong ito kung may dahilan nga ng paghihiwalay o wala. Kundi, binibigyan-diin lamang ni Jesus ang kalubhaan ng kasalanan ng paghihiwalay.

ANG BABAING INIHIWALAY AY NAGIGING MARUMI KUNG MAGAASAWANG MULI

    Ang ikatlong bagay na sinasabi ni Jesus ay kaugnay sa paguulit sa pagsasabi at paglilinaw ng Deuteronomio 24:2-4. Sa King James Bible, ang paggamit ng “makayayaon” sa pariralang “ay makayayaon siya,” ay parang nagsasabi na ang babaing nakikiapid na inihiwalay ay malayang magasawang muli. Subali’t sa orihinal na Hebreo ang salitang “makayayaon” ay wala; kaya nga ang Biblia ay hindi nagtuturo na maaari siyang umalis at maging asawa ng ibang lalake. Ito ay makikita natin sa pananalita na matatagpuan sa bersikulong 4, na doon ay sinasabi ng Dios na siya ay magiging marumi kung magasawang muli. Maliwanag na sinasabi na kung ang babaing inihiwalay ay magasawang muli sa ibang lalake, siya ay nagiging marumi, kaya hindi na siya makakabalik sa kaniyang unang asawa.

    Ang prinsipyong ito ay inuulit at pinalalawak sa huling parirala ng Mateo 5:32 na doon ay ipinahahayag ni Jesus na “ang sinomang magasawa sa kaniya kung naihiwalay na siya ay nagkakasala ng pangangalunya.” Dahil ang babaing inihiwalay ay nagiging marumi dahil sa kaniyang muling pagaasawa, maliwanag