Ang Pinagsama ng Dios...

    Hindi madalas, subali’t medyo kalimitan, ang “debar” ay isinasalin bilang “gawa”(52 mga ulit), “materya”(63 mga ulit) at “ bagay” (215 mga ulit). Kaya masasabi nating may katiyakan na sa Deuteronomio 24:1, ang “debar” ay dapat isaling isang “gawa,” “materya,” “bagay,” o “salita.”

    Ang salitang Hebreo na isinaling “kahiyahiyang bagay “ sa pariralang ito ay “ervah” na makikita ng 54 na mga ulit sa King James Bible. Sa mahigit na 50 na mga dako ito ay isinaling “kahubaran.” Kung ating susuriin ang mga dako na doon ay isinasaling “kahubaran,” ating makikita na ito ay malimit na kaugnay sa garapal na karumihang seksual. Halimbawa sa Levetico 18 at Levetico 20, na doon ay inilagay ng Dios ang mga utos na nagbabawal ng insesto, ginamit ng Dios ang salitang “kahubaran” (“ervah”) sa hindi kukulangin sa 30 mga ulit.

    Kaya ang salitang “ervah” ay mayroong kahulugan ng “pakikiapid.” Sa Levetico 18:8 nagbabala ang Dios, “Ang kahubaran [ervah] ng asawa ng iyong ama ay huwag mong ililitaw.” Ang isang paliwanag sa babalang ito ay makikita sa I Mga Taga Corinto 5:1:

Sa kasalakuyan ay nababalita na sa inyo’y may pakikiapid at ang ganyang pakikiapid ay wala kahit sa mga Gentil, na isa sa inyo’y nagaari ng asawa ng kaniyang ama.

    Sa bersikulong ito, ginagamit ng Dios ang salitang “pakikiapid” na konektado sa karumihang seksual sa pagitan ng isang lalake at ng asawa ng kaniyang ama. Sa Levitico 18:8 sinasabi ng Dios ang ganitong uri ng karumihang seksual bilang paglalantad ng kahubaran. Kaya nakikita nating ang “kahubaran” o “karumihan” ay katulad ng “pakikiapid o pangangalunya.”

    Pagka pinagsamasama ang mga bagay na ito, alam natin na sa Deuteronomio 24:1 itinuturo ng Dios na kung ang isang lalake ay makakita ng isang “salita” o isang “bagay” ng pakikiapid sa kaniyang asawa, maaari siyang gumawa ng sulat ng paghihiwalay at hiwalayan siya. May ilang gawa ng pakikiapid na maaaring parusahan ng kamatayan, nguni’t kung ang isang gawa o salita ng pakikiapid ay hindi humihingi ng kamatayan ng mangangalunyang asawang babae, ang lalake ay mayroon pa ring karapatang humiwalay sa kaniya.

    Ang isa pang pagkakaintindi sa kahulugan ng “ervah” ay ito ang dahilan upang buksan ang pintuan para sa mga asawang lalake sa Israel na hiwalayan ang kanilang mga asawa sa anomang kadahilanan.

DIBORSIYO SA ANOMANG KADAHILANAN

    Sa Deuteronomio 23:12-14 ginagamit ng Dios ang mga magkakatulad na parirala , “ervah debar,” na siyang susing parirala sa Deuteronomio 24:1. Ang “ervah debar” ay hindi tumutukoy sa pakikiapid; kundi, ito ay tumutukoy sa karumihang pangseremonya, Deuteronomio 23:12-14: