Ang Pinagsama ng Dios...

    Ang ikatlong batas na pangseremoniya na kaugnay sa pagaasawa at diborsiyo ay ipinakilala sa Biblia dahil sa pagaasawang espirituwal (na ito ay naiiba ng husto sa pagaasawa ng batas ng Dios sa sangkatauhan) na doon ay nakipagasawa ang Dios sa sinaunang bansang Israel bilang Kaniyang asawang babae.  Ang Israel bilang isang panloob at panglabas na samahan ay kumakatawan ng kaharian ng Dios sa lupa sa loob ng kasaysayan mula kay Abraham hanggang kay Jesus. Ang relasyong pagaasawang ito ay itinatag ng Dios dahil ang bansang Israel ay naglalarawan at nagbabala ng espirituwal na Israel ng Dios na naging walang hanggang kasintahan ni Cristo. Alam natin ang pagaasawang espirituwal sa pagitan ng Dios at ng bansang Israel ay nagpapatuloy na noon dahil sa mga sumbong ng Dios tungkol sa pakikiapid sa espirituwal ng Kaniyang asawang babae, na nakasulat sa Jeremias 3:14: “Kayo’y manumbalik, Oh tumalikod na mga anak, sabi ng Panginoon, sapagka’t ako’y asawa ninyo.” Hindi nila Siya asawa na bawat isa; sa bawat isa sa kanila, sila ay asawa ng batas ng Dios. Siya ay asawa nila bilang isang binuo o panlabas na samahan.

    Hindi sila kailanman naging matapat sa haba ng kasaysayan ng bansang Israel. Paulitulit silang nagnasa ng ibang mga dios. Ano ang gagawin ng Dios sa Kaniyang nakikiapid na asawang babae?

    Ayon sa walang hanggang batas ng Dios, kailangang mamatay ang nakikiapid na asawang babae, nguni’t hindi mawawasak ng Dios ang bansang Israel, sapagka’t si Cristo ay magmumula sa bansang Israel. Isang karagdagan pa ang bansang Israel ang taniman na pagmumulan ng simbahan o iglesia ng Bagong Tipan.

    Ang plano ng Dios ay gamitin ang bansang Israel bilang halimbawa ng Kaniyang pagpapatiis at kahabagan. Sa parabulo ng Lucas 13, ang punong igos na paulitulit na hindi nagbunga ay dapat sanang putulin,  nguni’t binigyan ng isa  pang pagkakataon. Kung wala pang bunga, dapat itong putulin na sana. Ngayon ang bansang Israel ay isa sa mga mayaman na bansa sa daigdig. Kung ito ay titigil ng pamumungang espirituwal, ito ay sisirain.

    Dahil sa mga kadahilanang ito at sa iba pang dahilan marahil, pinasiyahan ng Dios na hindi ipapatay ang Kaniyang asawang espirituwal na bansang Israel. Ngunit plano ng Dios na tapusin ang Kaniyang pagaasawang espirituwal sa bansang Israel. Noong pumunta na si Cristo sa krus, minaging dapat ng Dios na tapusin ang Kaniyang relasyon sa espirituwal ng bansang Israel.

    Upang matupad ang layuning ito, ipinakilala ng Dios ang isa pang batas sa kalipunan ng mga batas na pangseremoniya. Upang mahiwalayan ang bansang