Ang Pinagsama ng Dios...

pakikipagkasundo mayroon si Cristo kay Belial? O anong bahagi mayroon ang sumasampalataya sa di sumasampalataya? At anong pakikipagkaisa mayroon ang templo ng Dios sa mga diosdiosan? Sapagka’t tayo’y templo ng Dios na buhay; gaya ng sabi ng Dios, mananahan ako sa kanila, at lalakad ako sa kanila; at ako’y magiging kanilang Dios, at sila’y magiging aking bayan. Kaya nga, magsialis kayo sa kanila, at magsihiwalay kayo, sabi ng Panginoon, at huwag kayong magsihipo ng mga bagay na marumi, at kayo’y aking tatanggapin.

    Binibigyang-diin ng Dios na ang mga mananampalataya ay hindi dapat makipamatok o makipagsamahan ng kabilang sa anomang bagay na kabilang sa kaharian ni Satanas. Maaring ito ay ang mga nais nating maging asawa, o maaaring isang pangyayari na doon ay nakatali tayo sa mundo na parang tayo ay nakipagasawa sa mundo.

    Kung mayroong ganito sa ating mga buhay, dapat nating ihiwalay ito sa ating sarili. Dapat nating talikuran ang mga pangyayaring marumi. Ang pagtalikod sa sanglibutan ay ang bagay na inilalarawan ng Dios sa pamamagitan ng diborsiyo ayon sa Biblia na ipinakita sa huling dalawang kabanata ng aklat ni Ezra.

    Dahil ang mga lalake ng bansang Israel ay kailangang humiwalay sa kanilang mga asawang hindi mananampalataya, ano naman ang mangyayari sa pagaasawahang hindi magkapareho sa ngayon na doon ang isang mananampalataya ay nakapagasawa ng isang hindi mananampalataya? Dapat bang hiwalayan ng mananampalataya ang kaniyang asawang hindi mananampalataya?

   Sa Bagong Tipan pagka sinasabi ng Dios, ang salitang “Israel”, ang Kaniyang ibig sabihin ay ang grupo ng mga mananampalataya. Ang mga kalalakihan sa Matandang Tipan ay hindi dapat magsipagasawa ng mga babaing hindi mananampalataya, at ang mga kalalakihan ng Israel sa Bagong Tipan, ang mga tunay na mananampalataya, ay hindi dapat magasawa ng mga hindi ligtas na tao. Nangangahulugan ba ito na nais ng Dios na ang isang mananampalataya ay dapat makipaghiwalay sa kaniyang asawang hindi ligtas? Sinasagot ng Dios ang katanungang ito sa I Mga Taga Corinto 7:12-13..

Datapuwa’t sa iba, ay ako ang nagsasabi, hindi ang Panginoon: Kung ang sinomang kapatid na lalake ay may asawang hindi sumasampalataya, at kung kalooban niyang makipamahay sa kaniya, ay huwag niyang hiwalayan.