Ang Pinagsama ng Dios...

   Ang pasiya ay gawin ito na ayon sa kautusan. Sa Isaias 52:11 sinabi ng batas ng Dios na ang mga taong nasangkot sa mga bagay na marumi ay kailangang humiwalay sa mga bagay na marumi. Sa praktikal na kahulugan, kung ang isang Israelita ay magasawa ng isang babaing hindi mananampalataya, kailangan niyang hiwalayan ang asawang ito, na siyang paraan ng pagkaunawa sa batas ni Ezra at ng mga pinuno ay naiintindihan ang batas na iyan. Ezra 10:10-12:

At si Ezra na saserdote ay tumayo, at nagsabi sa kanila: Kayo’y nagsisalangsang, at nangagasawa ng mga babaing tagaibang bayan, upang palalain ang sala ng Israel. Ngayon nga’y mangagpahayag kayo sa Panginoon sa Dios ng inyong mga magulang, at inyong gawin ang kaniyang kalooban; at magsihiwalay kayo sa mga bayan ng lupain, at sa mga babaing tagaibang bayan. Nang magkagayo’y ang buong kapisanan ay sumagot at nagsabi ng malakas, Kung ano ang inyong sinabi tungkol sa amin, gayon ang nararapat naming gawin.

    Ating mababasa sa Ezra 10:16-17:

At ginawang gayon ng mga anak sa pagkabihag. At si Ezra na saserdote na kasama ng ilang mga pangulo ng mga sangbahayan ng mga magulang, ayon sa mga sangbahayan ng kanilang mga magulang at silang lahat ayon sa kanilang mga pangalan, ay nangaghiwalay; at sila’y nangaupo sa unang araw ng ikasampung buwan upang litisin ang bagay. At kanilang tinapos ang tungkol sa lahat na lalake na nangagasawa sa mga babaing tagaibang bayan nang unang araw ng unang buwan.

    Sa pagsasamasama ng mga iniuutos ng Deuteronomio 7:2-4 at Isaias 52:11 at ng huling dalawang kabanata ng aklat ng Ezra, ating makikita na ang makalupang pagsasalapat ng unang batas na pangseremoniya tungkol sa pagaasawa ay mayroon noon pagdidiborsiyo ayon sa Biblia. Kung ang isang lalake ay nakalabag ng utos sa Deuteronomio 7:2-4 sa pamamagitan ng pagaasawa ng isang babaing hindi mananampalataya, ang utos sa Isaias 52:11 ay nagsasabi na dapat niyang ituwid ang makasalanang pangyayaring ito sa pamamagitan ng paghihiwalay sa kanyang asawa.

    Ang espirituwal o makalangit na kahulugan na ipinakilala ng mga batas na ito ay nagpapatuloy sa kasalukuyan. Sa II Mga Taga Corinto 6:14-17 ay, sinasabi ng Dios:

Huwag kayong makipamatok ng  kabilan sa mga di nagsisisampalataya: sapagka’t anong pakikisama mayroon ang katuwiran at kalikuan? O anong pakikisama mayroon ang kaliwanagan sa kadiliman? At anong