Ang Pinagsama ng Dios...

    Nagpapasimula tayo sa ating pagsasaliksik ng mga kasagutan sa isang malubha at nakakalitong problema: Tuklasin natin ang katotohanan tungkol sa katangiang pagkakatali ng samahan ng pagaasawa. Sa ating kapanahunan, halos lahat ng simbahan at denominasyon ay nagpasiya na maaaring putulin ang pagaasawa at ang nagdiborsiyong tao ay pinapayagang magasawang muli sa ilalim ng ilang kondisyon.

    Ang mga ganoong mga batas ay itinuturo at ipinangangaral na parang Salita ng Dios. May kataimtimang sinasabi ng mga pastor na mayroon silang buong awtoridad ng Dios upang pagdiborsiyohin o paghiwalayin ang magasawa sa ilalim ng ilang kondisyon at gawin ang Dios na isang saksi sa pagaasawa ng mga taong idiniborsiyo ng kani-kanilang unang asawa. Ano ang sinasabi ng Biblia tungkol dito?

    Upang maunawaan natin ang itinuturo ng Biblia tungkol sa   pagaasawa at pagdidiborsiyo o paghihiwalay, dapat tayong magsimula sa isang pangunawa ng mga batas na pangseremoniya ng Biblia, na doon ang Dios ay unang nagsalita tungkol sa pagaasawa at pagdidiborsiyo, at ang kanilang kaugnayan sa sanlibutan at sa simbahan o iglesia sa ngayon. Maraming mga teologo sa ating kapanahunan ngayon ang naniniwala na mayroon silang batayan sa Biblia ayon sa mga batas na pangseremoniya upang pahintulutan nila ang pagdidiborsiyo at pagaasawang muli, at ginawa nilang isang larawan ang mga batas na pangseremoniya at ginamit nila ito bilang pagtatanggol sa pagdidiborsiyo.

Ano ang mga batas na pangseremoniya?

    Noong si Cristo ay nasa lupa, nagsalita Siya sa pamamagitan ng  mga talinghaga at “hindi sila kinakausap kundi sa talinghaga”(Marcos 4:34). Kung minsan ay sinasabi ni Jesus sa  mga tao na nagsasalita siya sa pamamagitan ng talinghaga. Sa ibang pagkakataon naman ay basta na lamang Siyang nagsasabi ng isang salaysay at batay sa pangyayari sa Biblia alam nating ito ay isang talinghaga. Halimbawa, kalimitan sisimulan Niya ang isang salaysay o pahayag ng mga salitang “ang kaharian ng langit ay tulad sa.” Pagka ginamit Niya ang ganitong panimulang pananalita, Siya’y nagtuturo sa pamamagitan ng isang talinghaga.

   Ang isang talinghaga o parabula ay isang makalupang salaysay na mayroong makalangit na kahulugan. Sa ibang salita, ang isang talinghaga ay isang salaysay o paglalarawan na kinuha sa makamundong daigdig, nguni’t