Ang Pinagsama ng Dios...

    Limampung taon na ang nakakaraan, ang diborsiyo ay hindi halos naririnig maliban sa ilang mga nangunguna sa mga elemento ng ating kultura. Sa simbahan o iglesia, ang pakikipagdiborsiyo ay hindi makikita. Pagka ating ihambing ang iglesia ngayon sa iglesia noong nagdaang 50 taon, tayo ay magugulat sa paglitaw ng nakakalumong pangyayari ng diborsiyo.
    Ngayon, ang diborsiyo ay kasing karaniwan gaya ng damo. Halos sa lahat ng iglesia, hindi lamang ang mga taong nasa upuan ang naghihiwalay, kundi maging ang mga deakono at mga matatanda at mga pastor ay nakikipaghiwalay. Ang institusyon ng pagaasawa ay naging isang lugar na madugo.
    Paano ba ito nangyari? Ang iglesia ba noong nakaraang 50 taon ay mayroong maling unawa sa mga panuntunan ng Biblia tungkol sa pagaasawa at pagdidiborsiyo?
    Ang kalagayang ito ay nakakalumo at malawak. Nakikita natin ang problema ng mga naghihiwalay at taong mga nagiisip na maghiwalay, at ang sugat sa mga anak ng mga malungkot na pagaasawang ito ay hindi mailalarawan.
    Sa pagkawasak ng pamilya ay dumating ang matinding paghahangad ng  kasiyahang  seksual at mga maling nasa. Talaga nga, ang Sodoma ay dapat ilipat sa pangalawa bilang punong-lungsod ng masasamang nasa at kahalayan.
    Ang laki at lagim ng problema ay hindi mabibigyan ng higit pang diin. Ang pagaasawa ay may kinalaman sa pamilya, ang pamilya ang batayan ng lipunan. Ang pamilya ay ang panulok o unang bato ng bawa’t bansa. Pagka ang pamilya ay nawasak, ang pagkawasak ng bansa ay hindi malayo  na darating sa likuran. Kaya, mahalaga na ating makita ang solusyon sa nakakakilabot na salot na ito na lumalaganap sa buong lupa.
    Sa pagaaral na ito, ating sisimulan at tatayo sa prinsipiyo na ang Biblia ang tanging ganap na katotohanan. Ang atin lamang pangunawa sa Biblia ang maaaring mali. Tayong mga Cristiano ay mayroong pananagutan na saliksikin ang Mga Kasulatan upang matuklasan ang katotohanan. Maraming masasabi ang Dios tungkol sa ugnayang pagaasawa, at ating sasaliksikin ang lahat ng sinasabi ng Biblia tungkol, sa paksang ito.