Sun. Iti libroNa a maawagan iti Biblia, ti Dios ilawlawagna a dagiti basoltayo ket isu ti pacaigapuan ti panagsagaba ken panagladladingittayo. Agpayso a ti Dios iparangarangna ti ayatna iti isuamin a lubong, cas intay mabasa cadagiti canayon a maadaw a versiculo iti Biblia:

Ta casta la unay [iti castoy a pammalacad]* ti panagayat ti Dios iti lubong; nga intedna ti Anacna a Bugbugtong tapno amin a mamati kencuana, saan a mapucaw, no di ket adda biagna nga agnanayon.
Juan 3:16

{* Dagiti sasao nga adda cadagiti braket [ ] ket nainayonda para iti panggep ti pannacailawlawag}

Nupay casta,ad-adu pay ti saoen ti Dios:

Ti dalan ti nadangkes macarimon ken ni Jehova; ngem ayatenna ti sumurot iti kinalinteg.
Proverbio 15:9

Ta ni Jehova ammona ti dalan dagiti nalinteg; ngem ti dalan dagiti nadangkes mapucawto.
Salmos 1:6

Sal-2. Ngem saanac met a nadakes. Nasayaat ken nalintegac a tao. Awan duadua a dagiti nasayaat nga innac naaramidan bayat ti panagbiagco ket ad-adda a bayadana iti maitutop no aniaman dagiti dakes a naaramidac. Casano ngarud a dagitoy a versiculo ket maipakat caniac?

Sun. Babaen ti rukod ti kinalinteg ti Dios uray pay ti casayaatan a tao ket kitkitaen ti Dios a cas maysa nga awanan namnama a managbasol nga agturong iti impierno. Ti Biblia isurona nga awan ti uray maysa a tao a nasayaat iti unegna ti mapan sadi Langit. Iti casupadina, amintayo ket managbasol, ken amintayo ket nacabasoltayo iti imatang ti Dios.

Cas adda a naisurat: awan ti nalinteg, uray maysa; awan ti macaawat, awan ti agsapul iti Dios:
Roma 3:10-11

Ti puso manangallilaw a nacarcaro ngem dagiti amin a banag, ket isu napalalo a nagdakes; asino ti macaamo kencuana?
Jeremias 17:9

Adda dalan a cas la nalinteg iti maysa a tao; ngem ti tungpalna daldalan ni patay.
Proverbios 14:12

Sal-3. No maysaac a managdakdakes a tao iti imatang ti Dios, ania ngarud ti aramiden ti Dios caniac?

Sun. Ti Biblia isurona nga inton panungpalan ti lubong amin a managdacdakes ket umayda iti babaen ti camaudianan a pannusa idiay lugar a maawagan Impierno iti daytoy a daga ken daytoy a panawen ket asidegen. Adda adu unay a naBibliaan a pammanecnec wenno pakakitaan a dayta panacaagaw dagiti mamati ket mapasamac inton Mayo 21,2011 ken daytoy a lubong ket agsardeng iti panacaaddana inton Octubre 21, 2011. Pangaasiyo ta agsuratcayo ditoy Family Radio para cadagiti libre a libro nga, “Adda Canibusanan ti Panawen wenno Time Has An End”, ken “Ngan-nganitayon Macadanon Idiay!!! wenno We Are Almost There” a mangmangted cadagiti nacaadadu a nabiblian a pacaammo a maipapan iti naikeddeng a panawen ken ti panangocom para iti panungpalan ti lubong.

Ta maysa nga apuy dimmarang iti pungtotco, ket sumged inggana ti cababaan a tanem, ket alun-unenna ti daga agraman kinalabonna, ket silmutanna ti puon dagiti banbantay. Pagdadarisonecto dagiti dakes cadacuada: Ibusecto dagiti panpanac cadacuada: Umresdanto iti bisin. Ket maalun-undanto iti nadarang a pudot ken ti napait a pannacadadael: ket ibaonconto cadacuada dagiti ngipen dagiti narungsot nga an-animal, agraman gita dagiti agcarcarayam iti tapuc.
Deuteronomio 32:22-24

Asinoman a mangsalimetmet iti bilin dinanto mapadasan ti dakes a banag; ket ti puso ti maysa a masirib a tao mapaglasinna ti pannawen ken panangipato ti tiempo ken pannacaocom: Ta iti tunggal panggep ada pannawenna ken pannacaikeddengna; agsipud ta ti kinaay-ay-ay ti tao dackel kencuana:
Eclesiastes 8:5-6

Sal-4. O, sica met! Awan duadua a dagiti banbanag ket saan a casta ti cadakesda. Saan a pudno a cayat a saoen ti Dios nga Isu ket dadaelenna ti tao ken puoranna ti daga, Isu cadi?

Sun. Kinapudnona cayat a saoen ti Dios a daytoy ket agbalin a nakabutbuteng a tiempo a pagbiagan inton aramidenNa daytoy a daga a literal nga impierno iti 5 a bulan. Calpasanna ti Dios ket dadaelenna daytoy a daga ken amin dagiti banbanag nga adda iti unegna babaen ti apuy.

Ket naibaga cadacuada a saanda a papatayen ida no di ket tutuokenda ida bayat ti lima a bulan; ket ti pannacatutuocda cas la iti tuoc a patauden idi ti manggagama no siludenna ti tao.
Apocalipsis 9:5

Ngem ti aldaw ti Apo umayto a cas la mannanacaw, aldaw a dagiti langlangit aglabasdanto a buyogen ti dackel a daranudor, ket dagiti elelemento mawarawaradanto babaen a sumsumged a pudot; ti met daga ken dagiti ar-aramid nga addada kencuana mauramdanto.
II Pedro 3:10

Ket no ti siasinoman saan a nasaracan a naisurat iti pagbasaan ti biag, naitapouac idiay danaw nga apuy.
Apocalipsis 20:15

Castanto intono panungpalan ti lubong: rummuarto dagiti angel, ket ilasindanto dagiti dakes cadagiti nalinteg. Ket ipuruacdanto ida iti horno ti apuy: idiay addanto dagiti sangsangit ken ngarngaretnget dagiti ngipen.
Mateo 13:49-50

...intono maiparangarang ni Apo Jesus, nga aggapu sadi langit, agraman cadagiti angelna cadagiti darang ti apuy. A balsenna dagiti saan a mangammo iti Dios, ken di agtulnog iti evangelio ni Apotayo a Jesus: Isuda madusadanto iti agnanayon a pannacapucaw a maisinada iti sangoanan ti Apo ken ti dayag ti pannacabalinna.
II Taga Tesalonica 1:7-9

Sal-5. Dayta ket nacabutbuteng! Apay coma a dadaelen ti Dios ti tao?

Sun. Agsipud ta ti Dios pinarsuana ti tao tapno sumungbat iti Dios para cadagiti aramidna. Ti awan pacapilawanna a hustisia ti Dios ket sapulenna ti bayad ti tunggal basol.

Ta isuda amin nagbasolda ket agcurangda iti dayag ti Dios;
Roma 3:23

Ta dagiti supapac ti basol isu ni patay…
Roma 6:23

Sal-6. Anian a nacabutbuteng! Ti Biblia cadi ket mangdiaya iti aniaman a namnama a no sadino ti tao ket mabalin a malibasanna ti pannacadadael?

Sun. Kinapudnona Isu ti maaramid; addayta ti maysa a mangibagi wenno suno a mangicaro iti dusa ti napait ken nakababain a pannacadadael para iti basoltayo. Dayta maysa a tao ket Isu ti Dios mismo, nga inmay ditoy daga a cas Jesu Cristo a mangsagrap wenno mangibaclay iti pungtot ti Dios para cadagiti immayNa isalacan.

Datayo amin castayla carcarnero a nayawawan; nagturong ti tunggal maysa cadatayo iti dalanna met laeng; ket ni Jehova impatayna kencuana ti kinadakestayo amin.
Isaias 53:6

Ngem isu nasugsugat a gapu cadagiti labsingtayo, isu napalitem a gapu cadagiti kinadangkestayo; ti dusa ti pacaicappiaantayo naipatay kencuana; ket gapu cadagiti saplitna maagasantayo.
Isaias 53:5

Ta immuna inyawatco cadacayo ti inawatco met, a ni Cristo natay gapu cadagiti basbasoltayo, cas mayalubog cadagiti Sursurat; Ket naitanem, ket nagungar iti maicatlo nga aldaw, cas maiyalubog cadagiti Sursurat;
I Corinto 15:3-4

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.
II Corinto 5:21

Sal-7. Ibagbagam cadi a no ni Cristo ti mangibagi caniac wenno casukatco, ti Maysa a madusa para cadagiti basbasol ko, calpasanna saanakon nga agdanag maipapan iti pannacadadaelco?

Sun. Wen, daytoy ket casta! No nagbalinac a naisalacan, calpasanna ni Cristo a cas mangibagi wenno mangsucat caniac ket binayadannan dagiti basbasolko.

Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.
Juan 3:36

Sal-8. Ngem ania ti cayatna a saoen ti mamati Kencuana? No umanamongac cadagiti amin a sasaoen ti Biblia maipanggep ken Cristo a cas Mannubotco, calpasanna naisalacannacon cadi iti mabalin a pannacadadael nga awan patinggana?

Sun. Ti pannamatitayo ken Cristo ket isu-amin nga adaddu pay ti cayatna saoen ngem iti ummannugot iti panunotco a makimaymaysa cadagiti kinapudno iti Biblia. Cayatna a saoen nga agtalecac iti isuamin a Biblia cas isu ti Paglintegan a libro ti Dios para canyac. Cayatna met a saoen nga addaanac iti agtultuloy a napasnec a tarigagay nga agtulnog cadagiti amin a bilbilin iti Biblia. Cas itoy masarakac wenno maricnac a pudno a maragsacannac no agbibiagac a cas iti bilin ti Dios caniac idiay Biblia.

Ket gapu itoy, maammoantayo nga isu am-ammotayo, no salimetmetantayo dagiti bilbilinna.
I Juan 2:3

Awan ti tao a macabalin nga agservi iti dua nga appo; ta guraennanto ti maysa ket ayatennanto ti sabali wenno sumurotto iti maysa ket umsienna ti sabali: dicay mabalin ti agservi iti Dios ken iti kinabacnang.
Mateo 6:24

Sal-9. Ibagbagam cadi nga awan ti wagas a mabalin a macalibasac iti dayta a pannacadadael malacsid iti babaen ken Jesus? Ania ti maipapan cadagiti sabsabali a relihiyon? Dagidiay cadi camcameng wenno sumursurot cadacuada ket mabalin a madadael met?

Sun. Wen, pudno. Saanda a macalibas iti kinapudnona a ti Dios ket ig-iggamanNAtayo a sumungbat cadagiti basbasoltayo. Ti Dios dawatenna a bayadantayo dagiti nagbasolantayo. Dagiti sabali a relihion, agraman dagiti adu a mangususar iti nagan ni Jesu Cristo, ket saanda a macaited iti mangibagi a mangsagrap cadagiti basbasol dagiti pasurotda. Ni Cristo laeng ti agmaymaysa a macabael a mangawit cadagiti basoltayo ken pannacaibabain ken mangisalacan cadatayo. Ngarud ti maysa a tao ket masapul a panawanna ti relihionna ken agcamang nga agtalec laeng iti Biblia.

Ta maymaysa ti Dios, ken maymaysa ti Manangibabaet iti Dios cadagiti tao, ni tao a Cristo Jesus.
1 Timoteo 2:5

Ket awan ti sabali a pacaisalacanan, uray siasino; ta awan ti sabali a nagan iti babaen ti langit, a naited cadagiti tao, a pacabalinantayo a maisalacan.
Aramid 4:12

Ni Jesus cunana kencuana; Siac ti dalan, ken ti pudno ken ti biag: awan ti umay ken Ama, no di magna caniac.
Juan 14:6

Sal-10. Ita awananacon iti namnama. Saanco cayat ti madadael. Ania ti mabalinco nga aramiden tapno maisalacannac?

Sun. Awan ti mabalinmo nga aramiden tapno maisalacanmo ti bagim. Ti Biblia ibagana cadatayo dayta a ti Dios laeng ti macaisalacan kenka. Ti Dios aramaten ti mannacabalin a kinadatdatlag ti salacan babaen ti panangipakatNa iti Sao ti Dios (ti Biblia), cadagiti puspuso ken bibiag dagiti plinanona nga isalacan. Ti epekto wenno bungana daytoy milagro ti salacan iti biag ti naisalacan a tao ket ita isu naaddaan ti panagayat iti Dios ken iti Biblia. Isuna ita ket maragragsacan no tungtungpalenna ti Libro ti Linteg ti Dios, ti Biblia.

Cas itoy no ti maysa tao pudno a tarigagayanna ti agbalin a maisalacan rumbeng a busbusenna ti adu nga orasna siaannad nga agbasa wenno agdengeg iti Biblia.

Iti casta, ti pammati agtaud iti panagdengngeg; ket ti panangdengngeg agtaud gapu iti Sao ni Cristo.
Roma 10:17

Ta gapu iti parabur naisalacancayo gapu iti pammati; ket daytoy saan a nagtaud cadacayo ta sagut ti Dios.
Efeso 2:8

Ket dinengngegnacami ti maysa a babai a managan Lidia… [ni Pablo nga isu nangidanaon iti Evangelio kaniana]*, a ti pusona linuctan ti Apo, ...
Aramid 16:14

Sal-11. Canayonmo nga itudtudo ti Biblia. Casano ti kinapateg ti Biblia?

Sun. Ti Biblia ket isu ti capapatgan unay a libro iti lubong gapu ta daytoy ket libro ti Paglintegan ti Dios iti nataoan a rasa. Babaen ti panagbasa wenno panagdengeg iti Biblia ti maysa a tao ket adda iti lugar no sadino a ti Dios ket mabalin nga isalacan isuna no isu ti pagayatan ti Dios para iti dayta a tao. A mainayon maadalna met dagiti adu a nacascasdaaw ken makapabuteng a kinapudno maipapan iti Dios, ti pungtotNa ken ti planoNa a panangisalacan. Nabunga a mangmangegna ti Sao ti Dios gapu ta ti Dios isu ti nangisurat iti Biblia ken iti casta isu ti makisasao kencuana babaen ti Saona (ti Biblia).

Ti linteg ni Jehova awan pagcuranganna, pabaroenna ti cararwa: ti pammanecnec ni Jehova manamnama, pagsiribenna ti nanengneng.
Salmos 19:7

Nagasat dagiti awan pagcurcuranganda iti dalan, a magnada iti linteg ni Jehova.
Salmos 119:1

Iti casta, ti pammati agtaud iti panagdengngeg; ket ti panangdengngeg agtaud gapu iti sao ni Cristo. [ti Biblia]*
Roma 10:17

Nagasat ti bumasa ken dagiti agdengngeg cadagiti sasao ti padto, ket salimetmetanda dagiti banbanag a naisurat kencuana: ta ti pannawen asidegen.
Apocalipsis 1:3

Sal-12. Mabalin cadi nga agcararagac tapno ti Dios caasianac ken isalacanac?

Sun. Ganaturay a wen! Manangaasi unay ti Dios. Iti casta, ibaga ti Biblia cadatayo a mabalin ken rumbeng nga agcararagtayo Kencuana, agdawat ken agpacaasi iti caasina, para iti panangisalacan, a bigbigbigentayo a datayo ket managbasol a maicari iti pungtot ti Dios. Daytoy ket saannatayo a maisalacan, ngem maaddaantayo iti pamatalged nga ammo ti Dios ti naganetget a panagtarigagaytayo a maisalacan.

Ngem di agsingsingir ti buis idinto nga adda iti adayu, dina maitangad man la coma dagiti matana sadi langit, no di ket dandanugenna ti barucongna, a cuncunana: Dios, mangngaasica caniac, a managbasol.
Lucas 18:13

Sal-13. Rumbeng cadi a tumaripnongac iti iglesia?

Sun. Nalawag a SAAN! Ti Biblia ibagana dayta nga iti agarup 2000 a tawen calpasan ti pannacatay ni Jesus idiay cruz dagidiay mamati ken Jesus, no mabalbalin, ket masapulda nga agbalin a cameng ti iglesia. Ngem itatta maadaltayo manipud iti Biblia dayta a ti Dios ket saanen a mangisalsalacan cadagiti tattao babaen ti panagministro ti iglesia. Ti panawen ti iglesia ket immayen iti panungpalanna.

Ti pudno ket ti Dios imbilinNa idiay Libro ti LintegNa, ti Biblia, dayta a dagiti pudno a mamati ket masapul a panawanda ti iglesia. Daytoy ket gaputa ti nalinteg a Panangocom ti Dios ket adda amin cadagiti lokal a congregasyon a cabayatan a ti Dios isagsagana ti lubong para iti aldaw ti Panangocom.

Intono ngarud no makitayo ti kinarimon a mamagwalwalang a sitatacder iti nasantoan a disso, a cas insao ni Daniel a mammadto, (ti bumasa awatenna coma), Mapanda coma dagiti adda idiay Judea [dagiti lokal nga iglesia]* agcamang cadagiti banbantay; [ken Cristo]
Mateo 24:15-16

Ta dimteng ti tiempo a ti panangocom mangrugi iti balay ti Dios [dagiti lokal a iglesia]*: ket no mangrugi cadatayo anianto ti tungpal dagiti saan nga agtulnog iti Evangelio ti Dios?
1 Pedro 4:17

Masapul a laglagipentayo a canayon a saannatayo a maisalacan babaen ti iglesia wenno babaen ti pastor wenno babaen iti padi wenno babaen iti pannacabautisar wenno iti serbisyo ti comonyon. Ni Apo a Jesu Cristo laeng nga isu ti Dios a Mismo ti macabael a mangisalacan cadatayo. Ti Biblia ket isurona nga iti daytoy madama a tiempo, inton asidegtayo unayen iti panungpalan ti panawen, dayta a daytoy ket iti ruar dagiti iglesia a mangisalsalacan ti Dios cadagiti umariwecwec a bilang dagiti tattao.

Calpasan dagitoy, kimmitaac, ket adtoy, ti umariwecwec, nga awan ti nacabalin a bumilang, a naggapuda cadagiti isuamin a pagarian ken tribu ken il-ili ken pagsasao, nga agtatacderda iti sangoanan di trono ken iti sangoanan daydi Cordero, a nagcawesda cadagiti pagananay a puraw, ket adda palpalma cadagiti im-imada;
Apocalipsis 7:9

Macaalacayo iti awan bayad a libro "The End of the Church Age and After" ken “Wheat and Tares” iti Family Radio. Mangtedda iti nacaadadu a naBibliaan a pacaammo a mangipakita cadatayo a dimtengtayon iti canibusanan wenno panungpalan ti panawen ti iglesia.

Sal-14. Pangaasim man ta ibagam kaniac no casano nga isalacan ti Dios dagiti adu a tattao.

Sun. Ti Biblia idiay Juan 11 ket mangited ti naisingsingayan a pangngarig a mangipakita a ti Dios laeng ti mangaramid amin cadagiti panangisalacan cadatayo. Pinagbiag ni Cristo ti maysa a tao nga agnagan iti Lazaro a no siasino ket natayen iti upat nga aldaw. Nagtacder ni Jesus idiay sango ti tanem ni Lazaro ken impukawna a "Lazaro rumuarca". Nalawag a ti bimmangsit a bancay nga adda iti uneg ti tanem ket saanna a mangngeg Isuna wenno agtulnog Kencuana.

Nupay casta nangngeg ni Lazaro ti bilin ni Jesus ket rimuar isuna iti nacaitanemanna, a maysa a sibibiag a tao. Casano a napasamac dayta? Daytoy ket cayatna a saoen nga idi binilin ni Jesus ti natay a ni Lazaro a rumuar, ni Jesus iti EspirituNa ket casapulan a sumrec iti dayta a tanem ken itdenna ti nainlasagan wenno napisicalan a biag iti dayta nabangsit a bangkay, ti lapayag tapno macangngeg, ken pagayatan ken pigsa nga agtulnog cadagiti bilbilin ni Cristo.

Ibagbaga ti Biblia cadatayo a sacbay a maisalacantayo ket nataytayo a naespirituan. Nupay casta binilinnatayo ti Dios a birukentayo ti Dios, tapno mamatitayo, tapno agbabawitayo. Nupay casta, a cas met laeng a saan a mabalin nga agtulnog kenni Jesus ti natay a Lazaro a rumuar manipud iti tanemna, daytoy ket imposible wenno awan pacabalinanna a ti maysa a tao a natay a naespirituan ket agtungpal iti bilin ti Dios tapno mamati kenni Jesus para iti salacan.

Awan ti tao a macabalin nga umay caniac, no saan a guyuguyen ni Ama a nangibaon caniac, ket isu pagungarecto iti camaudianan nga aldaw.
Juan 6:44

Casta met cadagidiay tattao a plinano ti Dios nga isalacan cas inbilinna cadatayo a mamati, agbabawi, tapno agbalin a maisalacan, Isu makisasao cadagidiay natay a naespirituan nga isuda ket saanda mabalin a maisalacan ti bagida a bucbucod. Nupay casta adda dagidiay mangrugrugi a mamati ken Jesus a cas Mangisalacan, a masaracanda nga isuda ket naragsacda no aramidenda ti pagayatan ti Dios. Ti pamanecnec ket adda iti biagda nga uray casano ket naisalacandan. Mapasamac laeng dagitoy gapu ta bayat nga inbilin ti Dios cadacuada a mamatida, ti Dios simrec met iti biagda ken insalacanna ida. Gapu ta insalacanna ida nasaracanda nga isuda ket mamati ken ni Jesus. Nasaracanda dayta a ti basol ket nagbalin a saan a nasayaat cadacuada. Nalawag a ti Dios ket pinilina ida tapno maisalacan. Cabayatan a nangngeganda ti Evangelio, ti Dios impakatna ti Sao ti Dios iti biagda ket naisalacanda.

No saancayo a naisalacan agdenggegcayo a nalaing iti Biblia. Siaannad ken sicacararag a canayonyo a basaen ti Biblia. Mabalin nga uray sica, met, ket macaawat iti pannacaisalacan cabayatan a ti Dios iti babaen ti Libro ti LintegNa, ti Biblia, ket awagannaca.

Birukenyo ni Jehova, dacayo amin a naemma iti daga, a nagtungpal cadagiti bilbilinna; birukenyo ti kinalinteg, birukenyo ti kinaemma: nalabit a dacayo maitalemengcayto iti aldaw ti pungtot ni Jehova.
Sofonias 2:3

URAY CASANO TI KINADAKES TI NAPALABAS A PANAGBIAGMO WENNO URAY CASANO TI KINAPALALO TI PANAGBASOLMO, DAYTOY KET ENTIRO A MABALIN A BABAEN TI ASI TI DIOS SICA, MET, KET MABALIN A NAPILICA BABAEN ITI DIOS TAPNO AGBALIN A MAISALACAN.

Laglagipem, nupay casta, a ti Dios ket aramidenNa dagiti amin iti tiempona. Iti casta, rumbeng nga anusam nga urayen ti Apo bayat nga itultuloymo nga agadal manipud iti Biblia.

Naimbag a ti maysa a tao manginanama coma ken aguray a siuulimec iti panangisalacan ni Jehova.
Un-unoy 3:26

Adda iti Dios ti pannacaisalacanco ken dayawco; ti bato ti kinabilegco, ken ti camangco adda iti Dios. Agtaleccayo kencuana iti amin a tiempo, dacayo nga umili; ibucbocyo ti pusoyo iti sangoananna: ti Dios isu ti camang a maipaay cadatayo. Selah
Salmos 62:7-8

possible problem at the end of the sentence: don't know if this is a formating error. please check

Cabayatanna, para ti inspirasyon iti adal ti Sao ni Apo agdengngegcayo iti:

No adda iti saludsudmo panggep iti nabasam wenno no cayatmo a dumawat ti libre a libro wenno babassit a babasaen ken "frequency schedule" iti programami iti amin a pagilian, agsuratca kenyami iti: