P-1. Ako usahay nagapangutana kung ang Dios nagahigugma kanako? Kung siya usa ka mahigugmaong Dios, ngano puno man kita sa pag-antos ug kasakit nganhi sa kalibutan?

T. Sa iyang balaan nga kasulatan nga gitawag ug Biblia, ang Dios nagapadayag nga ang ato'ng mga kasal-anan ang ugat ug ang hinungdan sa tanan nga pag-antos ug kasakit. Tinuod nga ang Dios nagapadayag sa iyang paghigugma nganhi sa tibuok kalibutan, sumala sa atong mabasa sa usa ka dayag nga bersikulo sa Biblia:

Kay gihigugma sa Dios ang kalibutan, [sa niani nga paagi] sa pagkaagi nga gihatag niya ang iyang Anak nga bugtong, aron ang tanan nga motoo kaniya dili mawala, kondili may kinabuhi nga walay katapusan.

Bisan pa man, ang Dios aduna pa'y gisulti:

Ang dalan sa dautan maoy usa ka dulumtanan sa Dios; Apan iyang gihigugma kadtong nagasunod sa pagkamatarung.

Kay naila sa Dios ang dalan sa mga matarung; Apan ang dalan sa mga dautan mawala.

P-2. Apan ako dili dautan. Ako disente, limpyo ug dungganan ang akong pagkatawo. Nakasiguro ako nga mas labaw ang nabuhat kong kaayuhan kaysa dautan. Unsaon man pag dapat kini'ng bersikulo nganhi kanako?

T. Sukod sa Santos nga pag-igo sa Dios, maski ang pinakamatarong nga tawo ginalantaw sa Ginoo nga utro gihapon ka mga makasasala nga maanaa sa iyang dalan ngadto sa impiyerno. Ginatudlo sa Biblia nga walay bisan usa man ka matarong sa iyang kaugalingon nga makasulod ngadto sa langit. Sa bahin nga paagi, kitang tanan makasasala, ug kitang tanan nakasala atubangan sa Ginoo.

Ingon sa nahasulat na: Walay bisan kinsa nga matarung; bisan usa lamang: Walay bisan Kinsa nga nakasabut; walay bisan kinsa nga nagapangita sa Dios.

Ang kasingkasing malimbongon labaw sa tanang mga butang, ug hilabihan gayud pagkadautan: kinsay makasusi niini?

P-3. Kung ako gayud usa ka dautan nga tawo sa panlantaw sa Dios, unsa man ang buhaton sa Dios kanako?

T. Ginatudlo sa Biblia nga sa pagtapus sa kalibutan ang tanan nga mga dautan mupailalom sa walay kahumanan nga pag-silot ngadto sa lugar nga gitawag ug impiyerno.

Kay may kalayo nga magadilaab sa akong kapungot, Ug magadilaab hangtud sa kahiladman sa Sheol; Ug magalamoy sa yuta ug sa iyang mga bunga. Ug pagasunogon ang mga patukoranan sa mga bukid. Ako magapundok ug mga kadautan sa ibabaw nila; Igabutang ko kanila ang akong mga udyong. Pagaut-uton sila sa gutom, ug pagalamyon sila sa nagadilaab nga kainit Ug sa mapait nga pagkalaglag; Ug ang mga ngipon sa mga mananap igapadala ko kanila. Uban ang kalala sa mga butang nga nagakamang sa yuta.

P-4. O, Karon ikaw nasad! Ang impiyerno dili tinuod, dili ba? Siguro dili man sad ingon ana ka ngil-ad kanang mga bahina.

T. Tinuod, ang impiyerno tinuod gayud, ug kining mga bahina sibo ra usab kadautan sa mga wala nakaila sa atong Ginoong Jesucristo isip atong usa ka mangluluwas. Kanunay nga ginabanggit sa Biblia ang impiyerno nga kini mipahisabot nga kini walay kahangturan ug kini aduna'y paglisod-lisod nga walay kahumanan.

Ug kong may bisan kinsa nga wala hikit-i, nga nahasulat sa basahon sa kinabuhi, gitambug siya ngadto sa linaw nga kalayo.

Maingon usab niana ang katapusan sa kalibutan: manggula ang mga manolonda, ug pagapinigon nila ang mga dautan gikan sa mga matarung. Ug igasalibay sila sa hudno sa kalayo; didto mahitabo ang paghilak ug pagkagut sa mga ngipon.

…Ug kaninyo nga ginapaguol pahulay uban kanamo sa pagpadayag sa Ginoong Jesus gikan sa langit uban sa mga manolonda sa iyang gahum. Nga sa siga sa kalayo magahatag sa panimalus sa mga wala makaila sa Dios, ug sa mga wala magtuman sa Maayong Balita sa atong Ginoong Jesucristo: Nga manag-antus sila ug silot nga walay katapusan nga pagkalaglag gikan sa nawong sa Ginoo, ug sa himaya sa iyang gahum.

P-5. Makalilisang kana! Ngano mihimo man ang Dios ug Impiyerno?

T. Ang impiyerno tinuod nga makalilisang, aduna niini tungod kay ang tawo gihimo sa Dios aron manubag sa iyang mga buhat. Ang hingpit nga katarong sa Dios mao ang pagpaningil sa atong mga kasal-anan.

Kay ang bayad sa sala mao ang kamatayon; apan ang walay-bayad-nga hatag sa Dios mao ang kinabuhi nga walay katapusan nga anaa kang Cristo Jesus nga atong Ginoo.

Kay kinahanglan kitang tanan igapahayag sa atubangan sa hukmanan ni Cristo, aron ang tagsatagsa makadawat sa mga butang nga nabuhat pinaagi sa lawas, sumala sa iyang paggawi kong maayo ba, kun dautan.

Ug nagaingon ako kaninyo nga sa tanang pulong walay pulos nga ginapamulong sa mga tawo, magahatag sila ug husay sa adlaw sa paghukom.

P-6. Buot ba kini ipasabot nga sa pagtapus sa kalibutan, ang usa'g usa pagabuhion pag-utro aron pagahukman ug ingadto sa impiyerno?

T. Oo, tinuod gayud na, gawas nalang kung adunay usa ka mahimo nga baylo kanato sa pagdawat sa pag-antos nga walay kahuman nga silot alang sa atong mga kasal-anan. Kining usa wala na'y lain pa kung dili ang Dios lang gayud mismo, nga siya mianhi sa yuta isip si Jesuscristo aron pas- anon ang kapuot sa Dios alang sa tanan nga misalig ug mituo kaniya.

Kitang tanan sama sa mga carnero nanghisalaag; ang tagsatagsa kanato misimang sa iyang kaugalingon nga dalan; ug gibutang sa Dios diha kaniya ang kasal-anan nato nga tanan.

Apan siya ginasamaran tungod sa atong kalapasan, siya napangos tungod sa atong mga kasal-anan; ang silot sa atong pakigdait diha sa ibabaw niya; ug tungod sa iyang mga labod kita nangaayo.

Kay una sa tanan gitugyan ko kaninyo ang akong nadawat usab, nga si Cristo namatay tungod sa atong mga sala, sumala sa mga kasulatan; Ug nga gilubong siya ug nga nabanhaw sa ikatolo ka adlaw, sumala sa mga Kasulatan;

Siya nga wala makaila ug sala, gipakasalaan siya tungod kanato, aron kita diha kaniya mamahimong pagkamatarung sa Dios.

P-7. Ginaingon mo ba nga, kung ako hingpit nga magtuo kay Cristo isip akong subli, siya nga midawat sa kastigo alang sa akong mga sala, dili na ako kinahanglan maguol pa bahin sa impiyerno?

T. Oo, ingon gayud ana! Kung ako adunay pagsalig kay Cristo isip akong kaugalingon nga mangluluwas, kini hisama ra nga ako mitindog atubangan sa Hukom nga Trono sa Dios. Si Cristo nga akong subli ang mibayad alang sa akong mga kasal-anan.

Ang motoo sa Anak may kinabuhi nga walay katapusan, apan ang dili magatuman sa Anak dili makakaplag sa kinabuhi, kondili ang kaligutgut sa Dios pabilin sa ibabaw niya.

P-8. Apan unsa man gayud ang buot ug husto nga pagsalig kaniya? Kung ako maga-uyon sa tanan'g gisulti sa Biblia mahitungod kay Cristo isip mangluluwas, ako ba karon luwas ngadto sa impiyerno?

T. Ang pagsalig kay Cristo adunay mas labaw nga bili ug buot ipasabot kaysa pag-uyon sa atong huna-huna ngadto sa mga kamatuoran sa Biblia. Kini nagpasabot nga nahimo ko ang pagsalig sa tibuok Biblia, ang balasahon nga bahinsa Sugo sa Dios kanako. Nagapasabot usab kini nga ako adunay padayon nga kagustuhan nga pagsunod sa mga sugo sa Biblia. Sa niining paagi nahikit-an ko nga ako tinuod nga magmalipayon sa akong panginabuhi sigon sa gisugo kanako sa Dios nga anaa sa Biblia.

Ug niini nahibalo kita nga atong giila siya, kong ang iyang mga sugo atong bantayan.

Walay bisan kinsa nga arang makaalagad sa duha ka agalon, kay magadumot siya sa usa, ug mahigugma sa usa; kun magadapig ba hinoon sa usa, ug magatamay sa usa; dili kamo makahimo sa pag-alagad sa Dios ug sa mga bahandi,

P-9. Ginaingon mo ba nga walay lain nga paagi sa pag-ikyas sa impiyerno kung dili gawas lamang kay Jesuscristo? Unsaon na man lang ang uban nga relihiyon, uban kadtong mga nagadayag sa pagsalig kay Cristo? Kadto'ng ilang magtutuo makaadto ba usab sa impiyerno?

T. Oo, Tinuod kana. Dili nila maikyasan ang kamatuoran nga kita magabayad sa atong mga kasal-anan. Ang uban nga mga relihiyon dili makahatag ug puli aron sa pagluwas sa mga sala sa ilang mga magtotuo. Si Cristo lamang ang bugtong nga makapas-an ug makaluwas kanato sa atong mga kasal-anan. Nagpasabot kini, kinahanglan nga biyaan sa usa ka tawo ang iyang relihiyon ug magtuo lamang sa Biblia.

Ug diha sa lain walay kaluwasan gikan kang bisan kinsa, kay walay lain nga ngalan sa ilalum sa langit, nga nahatag sa taliwala sa mga tawo, nga diha kaniya mangaluwas kita.

Si Jesus miingon kaniya: Ako mao ang dalan, ug ang kamatuoran, ug ang kinabuhi; walay bisan kinsa nga makaabut sa Amahan kondili pinaagi kanako.

P-10. Ako karon puno sa kahadlok. Dili ko gusto makangadto sa impiyerno. Unsa man ang angay nako nga buhaton aron maluwas?

T. Wala kay mabuhat aron maluwas ang imong kaugalingon. Ginaingon sa Biblia nga ang Dios ra gayud ang makaluwas kanato. Ang Dios magahimo sa makagagahom nga milagro pinaagi sa pagpahid sa mga pulong sa Dios (ang Biblia) sa kasing-kasing ug kinabuhi sa mga tawo nga kadtong buot niyang luwason, ug isip binhi sa milagro nga pagluwas niini sa kinabuhi sa usa ka tawo nga giluwas, siya karon adunay paghigugma sa Dios ug sa Biblia. Maangkon lang niya ang tinuod nga kalipay kung siya magasunod sa balaan nga kasulatan sa Dios, ang Biblia. Sa ingon niini, kung ang usa ka tawo adunay pagtinguha sa kaluwasan, kinahanglan nga hatagan niya ug bili ug panahon ang iyang kaugalingon sa pagbasa sa Biblia ug ang pagpamati niini.

Sa ingon niini, ang pagtoo nagagikan sa pagpatalinghug; ug ang pagpatalinghug sa pulong ni Cristo.

Kay tungod sa gracia naluwas kamo pinaagi sa pagtoo, ug kana dili gikan sa inyong kaugalingon; kini hatag sa Dios:

Usa ka babaye nga ginganlan si Lidia, nga nagabaligya ug purpura, sa ciudad sa Tiatira, babaye nga nagasimba sa Dios, nagapatalinghug kanamo; kansang kasingkasing gibuksan sa Ginoo, aron sa pagpatalinghug gayud sa mga butang nga ginasulti ni Pablo.

P-11. Kanunay mo ba nga ginalitok ang Biblia? Unsa ka mabilihon ang Biblia?

T. Ang Biblia ang pinakabalaan nga balasahon sa tibuok kalibutan tungod kay kini ang balasahon sa pagtulun-an sa Ginoo alang sa katawhan. Pinaagi sa pagbasa ug pagpaminaw sa Biblia, ang usa ka tawo anaa sa hingpit nga lugar kung hain siya maluwas sa ato'ng Dios, kung kana pagbuot man sa Dios kaniya. Ug dugang pa, mahikat-unan niya ang daghan ug nindot nga mga kamatuoran bahin a Dios ug ang iyang pagkab-ut sa kaluwasan. Nahibati-an niya ang mga pulong sa Dios tungod ang Dios mao ang nagtakda sa Biblia, ug gayud siya ang nagahisgot pinaagi sa iyang mga pulong (ang Biblia).

Ang kasugoan sa Dios hingpit, nga nagapabag-o sa kalag: Ang pagpamatuod sa Dios matinumanon, nga nagahimo nga maalam sa mga walay-pagtagad.

Bulahan sila nga mga hingpit sa dalan, Nga nanaglakaw sa Kasugoan sa Dios.

P-12. Mahimo ba ako mag-ampo aron kaloy-an ako sa Dios ug iluwas ako?

T. Oo! Adunay kalooy ang Dios. Ginasulti gayud kini kanato sa Biblia nga mahimo, ug kinahanglan gayud kita nga mag-ampo kaniya, mangayo kita ug kalooy aron sa atong kaluwasan, angkunon nato nga kita makasasala ug gayud angayan lang nga mudawat sa silot sa Dios. Dili kini makahatag sa siguro nga kaluwasan, apan makasiguro kita nga nahibaw-an sa Dios ang atong masugid nga pagkab-ut nga maluwas.

Apan ang maniningil sa buhis nga nagatindog sa halayo dili ngani buot bisan lamang sa pagyahat sa iyang mga mata ngadto sa langit, kondili hinonoa nagapamukpok sa iyang dughan nga nagaingon: Oh, Dios! malooy ka kanako nga usa ka makasasala.

P-13. Kinahanglan ba gayud ako mutambong sa Simbahan?

T. Dili. Dili Kinahanglan! Ginaingon kanato sa Biblia nga 2000 ka-tuig sumala niadtong namatay si Jesuscristo sa krus, kadtong mga nagatuo kay Jesus, kung mahimo, usa ka miyembro sa simbahan. Ug karon nakakat-on kita gikan sa Biblia nga ang Dios wala na mangluwas pinaagi sa ministro sa mga simbahan, ang takda sa simbahan natapus na kini. Hinutlo sa iyang balasahon sa pagtulun-an, ang Biblia, gimando sa Dios nga kadto'ng hingpit nga nagasalig kaniya mugawas gikan sa ilang sig-iya nga simbahan. Kini mahitungod kay, ang matarongnga paghukom sa Ginoo anaa sa tanan nga kongregasyon ug simbahan, samtang ginaandam sa Dios ang Kalibutan alang sa adlaw nga paghukom nga halos duol na.

Busa kong makita na ninyo ang kangilngig sa pagkalaglag nga gisulti ni Daniel nga manalagna, nga nagatindog sa dapit nga balaan (ang nagabasa sumabot); Kadtong naa sa Judea (simbahan) mopaengon ngadto sa mga bukid (ngadto ni Cristo).

Kay ang panahon miabut nga pagasugdan ang paghukom sa balay sa Dios: ug kong kini magasugod pag-una kanato, unsay katapusan niadtong mga dili masinugtanon sa Maayong Balita sa Dios?

Kinahanglan nato nga hinumduman nga dili kita maluwas sa usa ka simbahan o usa ka Pastor o usa ka Pari o sa pagbunyag sa tubig o kumunyon. Ang Ginoong Jesuscristo lamang, siya ang Dios mismo, ang mahimong makaluwas kanato. Ginatudlo kanato sa Biblia sa karon nga panahon, sa gawas sa mga simbahan nagaluwas ang Dios sa daghan nga mga katawhan.

Sa human niining mga butanga nakita ko, ug ania karon, ang usa ka dakung panon, nga dili maisip ni bisan kinsa gikan sa tanang kanasuran, ug kabanayan ug katawohan ug mga sinultihan, nga nanagtindog sa atubangan sa trono, ug sa Cordero, nga nanagsul-ob sa mga bisti nga maputi nga hatag-as, ug may mga palwa sa ilang mga kamot.

Mahimo kamo nga makakuha sa Family Radio nga walay bayad ug walay bisan unsa man nga tulubagon libre kini, ang libro nga “ The End of the Church Age and After” (kini nga balasahon imong makuha sa Ingles ug uban pa nga sinultihan o diyalekto). Kini nagahatag sa dagahan nga mga impormasyon nga magpakita kanato nga kita miabot na sa tapus nga takda sa Simbahan. Palihog sulat sa: Family Radio, 290 Hegenberger Rd., Oakland, CA. 94621 USA.

P-14. Mahimo ba nga isplikar mo pa kanamo ang bahin sa pagluwas sa Dios sa mga Katawhan?

T. Ang Biblia, sa Juan 11, makahatag kini ug nindot nga mensahi nga nagapakita nga ang Dios ra gayud ang bugtong nga makahimo sa pagluwas kanato. Gipabangon ni Cristo ang usa ka lalaki nga ginganlan ug Lazaro nga kini mipanaw na sa upat ka adlaw. Mitindog si Jesus gawas sa lubnganan ni Lazaro ug mi-mando “Lazaro, gawas ka”. Malinaw nga dili makadungog ug makasunod ang usa mipanaw na sa sulod sa lubnganan ang mga gipulong ni Jesus. Giingon kanato sa Biblia nga bag-o kita maluwas, mipanaw kita isip Ispiritu. Apan nagamando ang Dios nga pangitaon nato siya, musalig ug maghinulsol. Bisan pa man, hisama sa mipanaw nga si Lazaro nga lisod katuohan nga misunod sa mando ni Jesus nga migawas gikan sa iyang lubnganan, dili katuohan nga ang usa ka patay nga tawo, mipanaw nga Espiritu ang misunod sa sugo sa Ginoo nga misalig kay Jesus aron sa kaluwasan.

Walay tawo nga makaduol kanako, gawas kong ang Amahan nga nagsugo kanako magadala kaniya; ug ako magabanhaw kaniya sa katapusan nga adlaw.

Nahidunggan ni Lazaro ang gimando ni Jesus kaniya ug miguwa siya gikan sa iyang lubnganan, isip usa ka buhi nga tawo. Giunsa man kini paghitabu? Nagpasabut kini nga niadtong nag-mando si Jesus kay Lazaro nga mubangon, si Jesus, sa iyang Ispiritu misulod kini sa lubnganan sa nadunot na nga minatay ug gihatagan kini sa kinabuhi nga pangkatawhan, pandungog, pamumut-on ug kadasig aron sundon niini ang mga sugo ni Cristo.

Hisama usab niini, alang sa mga tawo nga giplano nga pagaluwason usab sa Dios, sa iyang pag-sugo kanato nga musalig, maghinulsol ug aron nga luwas, naga sulti siya sa mga patay sa ilang mga espiritu nga sa kung pinaagi lamang sa ilang kaugalingon dili kini mahimong luwas. Apan aduna'y mga nagasugod sa pagsalig kay Jesus isip mangluluwas, nga nakaplagan ilang kaugalingon nga labaw ang kalipay sa oras nga gibuhat nila ang pagbuot sa Dios. Ang kamatuoran nga sila naluwas anaa sila sa mahingpit nga kinabuhi. Mahimo lang kini mahitabo sa pinaagi, sa pag-mando sa Dios kanila nga musalig, misulod usab ang Dios sa ilang kinabuhi ug sila giluwas. Tungod kay sila giluwas niya, nahikit-an nila ang kaugalingon nga nagasalig kay Jesus. Nahikit-an nila nga ang kasal-anan dili makapahimuot kanila. Nagpakita kini nga sila ang pinili sa Dios aron maluwas, ug niadtong nabatian nila ang Ebanghelyo, gipahid sa Ginoo ang iyang mga pulong sa ilang kinabuhi, ug sila hingpit nga naluwas. Kung ikaw dili luwas, paningkamot ug pamati sa Biblia. Nga adunay hingpit nga pag ayo-ayo ug pag-ampo, balik-balika sa pagbasa ang Biblia. Mahimo'ng ikaw usab makaangkon sa hingpit nga kaluwasan kung ikaw pagatawagon sa Ginoo, pinaagi sa iyang balasahon sa pagtulun-an ang Biblia.

DILI IMPORTANTE KUNG UNSA KADAUTAN ANG IMONG NAHIMO NGA KINABUHI O UNSA KALISANG ANG NAHIMO NIMO NGA KASAL-ANAN, MAHIMO NGA IKAW, PINAAGI SA KALOOY SA GINOO, GIPILI IKAW NIYA NGA LUWASON.

Apan hinumdumi, gibuhat sa Dios ang tanan sa iya nga panahon. Busa, kinahanglan nga magpa-ilubon sa paghulat sa Dios samtang ikaw magapadayon sa pagkat-un gikan sa Biblia.

Maayo nga ang tawo magalaum ug magapaabut sa kahilum sa kaluwasan sa Dios.

Sa Dios anaa ang akong kaluwasan ug ang akong himaya: Ang bato sa akong kalig-on, ug ang akong dalangpanan, anaa sa Dios. Sumalig kamo kaniya sa tanan nga panahon, kamo nga katawohan; Ibubo ninyo ang inyong kasingkasing sa atubangan niya: Ang Dios mao ang dalangpanan alang kanato. Selah

Samtang, aron sa inyong kadasig ug pagkat-on sa pulong sa Dios, padayon pagpaminaw sa:

Kung kamo adunay mga pangutana bahin sa inyong mga nabasa o kung gusto ninyo ang libre nga takda sa pagpasibya sa Family Radio sa kahanginan sa tibuok kalibutan. Sulat kamo sa:

Ang basihanan sa Family Radio mao ang Biblia lamang, wala kini denaminasyon o rehiyon nga ginatambungan.  

Ang Pangministro nga Cristianismo